|
Die idee om 'n jagtersvereniging vir die Vrystaat te stig het by die
volgende persone ontstaan, nl. oorlede Dr. Erwin Hageman, Serfaas Crouse,
Paul Maartens, Loffie Pieterse en Kevan Healey. Hulle het 'n loodsvergadering
aan die huis van Dr. Hageman te Reddersburg gehou en Mev. Hageman het die notule geneem.
Op 14 September 1981 was die eerste vergadering gehou en Dr. Erwin
Hageman het as sameroeper opgetree. Tydens die geleentheid het hy en
Loffie Pieterse 'n omsendbrief versprei waarin kennis gegee is van 'n stigtingsvergadering
op 24 Oktober 1981 te Maselspoort. As sprekers sou Mnr. H. Simes(L.U.K),
Dr. Lucas Potgieter(geweerkenner) Mnr. P. le Roux(direkteur
van Natuurbewaring) en Mnr. Nico van Rooyen(taksidermis) optree.
Die stigtingsvergadering was op 24 Oktober 1981 om 15h00 gehou en
Mnr. Lou van der Merwe, voorsitter van CHASA, het waargeneem as voorsitter
waartydens die volgende bestuur verkies is:
- Voorsitter: Mnr. J. Diedericks
- Onder-voorsitter: Dr. E.K. Hageman
- Sekretaris: Mnr. D.C. Pieterse
- Tesourier: Mnr. S. Crouse
Daar was onder andere besluit dat ledegeld R20,00 per jaar sou wees.
Die dag is afgesluit met 'n osbraai. Op 16 Januarie 1982 was 'n spesiale
jaarvergadering op Maselspoort gehou waartydens daar op die volgende besluit
is:
- Grondwet
- Naam
- Ouditeure
- Datum van Jaarvergadering
- Trofeereëls
- Sakwapen
- Baadjie
|
